ಜಾಣ ಮರೆವು!

"ರೀ... ನಾಳೆ ಏನು ಡೇಟು?"
"ಹಮ್ .... ಮೇ ಹದಿನಾರು... ಯಾಕ?"
"ನಾಳೆ ದಿನ ಒಂದು ಐತಿಹಾಸಿಕ ದಿನಾ! ನೆನಪದ ಅಂತ ಅಂದ್ಕೊಂಡೀನಿ!"
"ಓಹೊ! ಎಲೆಕ್ಶನ್ ಕೌಂಟಿಂಗು! ಅದ್ಯಾವ್ ಮಹಾ ಐತಿಹಾಸಿಕ ದಿನ ಮಾರಾಯ್ತಿ? ಎಲೆಕ್ಶನ್ ಆಗ್ತಾವ ಹೋಗ್ತಾವ. ನಮ್ಮ ಪರಿಸ್ಥಿತಿ ಮಾತ್ರ ಬದಲಾಗಂಗಿಲ್ಲಾ"
"ಅಯ್ಯೋ... ನಾ ಹೇಳಿದ್ದು ಅದಲ್ಲಾ!! "
"ಮತ್ತ? ಓ ಗೊತ್ತಾತು!"
"??!!??"
"ನಾಳೆ ಶುಕ್ರವಾರ! ಹೊಸ ಕನ್ನಡಾ ಪಿಚ್ಚರ್ ರಿಲೀಸ್ ಆಗ್ತಿರಬೇಕು ಅಲ್ಲಾ? ಆದರ ಇತಿಹಾಸ ನಿರ್ಮಾಣ ಮಾಡೊ ಅಂಥಾ ಸಿನಿಮಾ ಯಾವ್ದು ಅಂತ ನೆನಪಿಗೆ ಬರವಲ್ದು ನೋಡು"
"ನನ್ನ ಕರ್ಮಾ!"
"ಏ ಭಾರಿ ಹೆಸರು ಇಟ್ಟಾರ್ ಬಿಡು ಸಿನಿಮಾಕ್ಕ! ಭಟ್ಟರ್ ದ ಇರ್ಬೇಕು. ಆದ್ರೂ ಭಟ್ರು ಭಾರಿ ಟ್ಯಾಲೆಂಟು ನೋಡು. ಯಾರ್ ಅದಕ್ಕ ಹೀರೊಯಿನ್ನು?"
"ಸಿನಿಮಾದಾಗ ಬರೇ ಹೀರೋಯಿನ್ ಅಷ್ಟ ಇರಂಗಿಲ್ಲ. ಹೀರೋನೂ ಇರ್ತಾನ! ನಿಮ್ಮ ಭಟ್ರನ್ನ ಕೇಳ್ರಿ!!"
"ಅಷ್ಟ್ಯಾಕ ಸಿಟ್ಟಿಗೆ ಏಳ್ತಿ? ನಾಳೆ ಏನು ಅಂತ ಹೇಳಿಬಿಡು, ನನಗಂತೂ ಗೊತ್ತಾಗವಲ್ದು"
"ಹತ್ತು ವರ್ಷದ ಹಿಂದ, ಹೊಗ್ಲೀ ಪಾಪಾ ಅಂತ ನಿಮ್ಮ ಕೈ ಹಿಡದಿದ್ದೆ. ನೆನಪಾತೇನು ಈಗರೆ?"
"!! ಏ ಹೌದಲ್ಲಲೇ! ಆ ಘಟನೆ ಮರಿಲಿಕ್ಕೆ ಹೆಂಗ ಸಾಧ್ಯ ಮಾರಾಯ್ತಿ. ಪ್ರತಿ ದಿನ ನೆನಪ ಮಾಡ್ಕೋತೀನಿ. ಆದ್ರ ಯಾಕೋ ೧೬ ನೆ ಮೇ ದಿವ್ಸ ಮತ್ತ ಅದರ ಹಿಂದಿನ್ ದಿವ್ಸ ಒಂದ ನೆನಪಾಗಂಗಿಲ್ಲ ನೋಡು!...."
(ಇಷ್ಟು ಹೇಳಿದ ಮ್ಯಲೆ ಏನ ನಡೀತು ಅನ್ನೋದು ನಿಮ್ಮ ನಿಮ್ಮ ಊಹೆಗೆ ಬಿಟ್ಟದ್ದು! :))

(ನನ್ನ ವಿವಾಹದ ಹತ್ತನೆಯ ವಾರ್ಷಿಕೋತ್ಸವದ (೧೬ ಮೇ, ೨೦೧೪) ಸಂದರ್ಭದಲ್ಲಿ ಬರೆದದ್ದು)